近年社會興起「Slash」工作模式，身兼多職嘅人愈嚟愈多，就連聲優都會同寫真女星、歌手、偶像爭飯碗。咁當然啦，能夠喺本行以外嘅領域分一杯羹，固然有返咁上下條件同實力，今日介紹嘅「尾崎由香」，就係憑聲演《動物朋友》角色「藪貓」走紅，繼而出CD同寫真集。

今年28歲嘅「尾崎由香」早喺21年前就以童星身份出道，直到2016年正式成為聲優聲演首部作品《幸運邏輯》，期後為《動物朋友》角色「藪貓」配音瞬間成為一線聲優，走紅後更嘗試往唔同領域發展，主持過電視節目、出過CD、甚至拍埋寫真。

雖然「尾崎由香」係聲優出身，但拍起寫真上嚟就相當「清涼」性感，大膽又大方咁以內衣造型示人，大曬青春胴體。連聲優都咁高競爭力，睇嚟新入行嘅寫真女星要加把勁！