{ SKIP }
文:MenClub 艾力克  圖:互聯網
POSTED ON 26 Aug 2021
【音樂】Nirvana 30年前唱片封面被指兒童色情 相中人要求樂隊賠償15萬美元

(圖片截自:The New York Times via John Chapple/SplashNews

美國殿堂級搖滾樂隊Nirvana成立於1987年,被譽為將Grunge Rock打入主流嘅重大功臣,其中1991年推出嘅《Nevermind》更係史上最暢銷專輯之一,全球銷量超過3,000萬張,而封面所用嘅「全裸BB」相亦成為一代經典。但點都估唔到30年後,相中人Spencer Elden近日以「兒童色情」及「兒童性剝削」為由起訴樂隊成員、唱片公司以及攝影師,要求15名被告每人至少賠償15萬美元。

從《Nevermind》封面可以見到一個全裸BB喺泳池入面追住一張鈔票,外界普遍都認為張相只係諷刺資本主義嘅藝術照片。不過相中人Spencer Elden就有另一番解讀,覺得追逐鈔票呢個構圖會令BB睇落好似一個性工作者,同時又話影相嗰陣自己得4個月大,根本冇得Say No,認為張相係兒童色情。Spencer Elden又指自從唱片問世後,佢嘅裸照就一直廣傳到世界各地出售,令佢永遠遭到「 兒童商業性剝削(commercial child sexual exploitation)」,而且父母亦冇簽署過任何授權文件,多年身心飽受困擾並且需要接受心理治療,繼而起訴攝影師、唱片公司以及樂隊成員。

《Nevermind》25周年重拍封面照。(圖片截自:BBC via JOHN CHAPPLE

事實上,Spencer Elden曾經喺《Nevermind》問世10、17、20、25周年多次落水重拍封面照,其中25周年個次,佢仲主動建議全裸還原經典,不過當時攝影師覺得繼續全裸會有啲奇怪,所以先叫佢著返條泳褲。之但係呢,佢喺25周年重拍前,又同傳媒透露過每次去睇棒球比賽,都會覺得在場所有人可能見過自己「何B仔」,而感到困擾同被冒犯。究竟張相真係對佢生活造成困難,定係純粹錢作怪,可能只有佢自己先知,唱片公司同Nirvana暫時未有回應。

資料來源:The New York TimesBBCVariety
為慶祝Pokmon TCG問世25周年,近日潮流時尚平台《HYPEBEAST》以嘖火龍為主題,推出一系列聯乘服裝、生活用品以及特定版Pokmon TCG卡牌,另開喺中環仲有一間快閃點,鍾意Pokmon或嘖火龍嘅朋友唔好錯過啦! ...
hobby
【係嘖火龍啊!】慶祝Pokémon TCG 25周年 潮流時尚平台推出一系列聯乘產品
22 Oct 2021
日前橋本環奈接拍電子漫畫網站「BookLive!」廣告,一邊唱出洗腦主題曲,一邊做迷之手勢。點知咁啱得咁橋,個甫士竟然同《賭俠2之上海灘賭聖》入面「我要殺死丁力呢個仆街!」嗰幕極為相似,隨即成為網民熱話。究竟排 ...
hobby
【乜咁啱啊?】橋本環奈新廣告甫士神似「我要殺死丁力呢個仆街!」
22 Oct 2021