{ SKIP }
文:MenClub 艾力克  
POSTED ON 02 Sep 2021

近期中國官媒接二連三出文狠批「飯圈」文化及「娘炮」審美觀,揚言要整頓歪風引惹起熱議。如今國家終於出手,中國國家廣播電視總局辦公廳今日正式發布通知,要求影視產業「樹立愛黨愛國、崇德尚藝的行業風氣」,禁一切止唔符合「官方價值觀」嘅人物、節目及外型,堅決杜絕「娘炮」審美觀及偶像養成節目。

(圖片截自:國家廣播電視總局

該份通知總共有8大項目,而最受關注嘅主要係前3項,當中講述節目組要嚴格把關選用演員及嘉賓,所有政治立場不正確、同黨及國家離心離德、衝擊社會公平正義底線、言行失德嘅人緊決不用。另外又要求廣播機構、網絡平台禁播「偶像養成節目」以及「星二代真人Show綜藝節目」,同時為咗堅定文化自信、大力弘揚中華優秀傳統文化,堅決杜絕「娘炮」畸形審美,要求節目組嚴格把關演員表演風格及服飾妝容。

換言之,近年喺中國非常火熱嘅《偶像練習生》、《創造101》、《青春有你》等男/女團養成節目將會全面禁播,而《爸爸去哪兒》呢類星二代親子真人Show節目亦難逃一劫。

《披荊斬棘的哥哥》截圖。

有趣嘅係,最近男團競選節目《披荊斬棘的哥哥》曾經「溫馨提示」嘉賓唔好做出咬唇、扮鬼臉、眨單眼等「油膩」行為,當時中國網民都以為係純粹搞下笑,覺得節目組非常幽默。點知喺今日發現呢個「溫馨提示」同國家政策不媒而合,先知原來節目組當時唔係講笑,實在用心良苦!

資料來源:國家廣播電視總局
經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025