雖然《鬼滅之刃》嘅熱潮已經稍為退卻，但日本方面依然有大量聯乘活動，近來東京淺草區亦舉行《鬼滅》聯乘，基本上就係喺區內擺下《鬼滅》場景、推出以《鬼滅》人物為主題嘅小食咁。當中就有一個「禰豆子竹筒肉捲」引起日本網民熱論，因為佢個形狀實在……太引人入勝啦！

竹筒肉まんはもうちょっと形状をなんとかした方がいいと思う pic.twitter.com/9c401sg8Sy

— ペリパトス (@peripatosu) September 10, 2021

呢一堆由《鬼滅之刃》與「淺草コラボショップ」推出嘅主題小食，絕大部份其實係啲特色飲品，係個杯有人物圖案，同杯嘢個顏色襯返人物主題色咁，唯獨代表禰豆子嘅，係一條仿照漫畫中禰豆子經常咬住嘅竹筒之製成嘅肉捲。本來亦冇咩問題，但唔知點解呢條肉捲嘅其中一端就係呈半圓形，再加上模仿竹節嘅環狀突起部份，搞到實物就好似一條好粗壯、而且綠色嘅……

「禰豆子竹筒肉捲」宣傳圖

圖片：https://asakusa-kimetsu.com/foods/

其他小食

圖片：https://asakusa-kimetsu.com/foods/

禰豆子の竹筒肉まんが思ったより肉棒♡ pic.twitter.com/cAHCx0n3FL

— ˙˚ʚ めるちゃん ɞ˚˙@????ミスヘブン2021コスプレ部門参戦???? (@mellmelody_15) July 16, 2021

而且大家唔好忘記，條肉捲係真係可以食，而通常食長條狀嘅食物時，都係由某一端開始食起……大家稍為運用想像力都可知個畫面會有幾咁奇怪！結果呢條肉捲就引起日本網民熱烈討論，有人話應該要打格仔先可以Post上網，又有人話佢應該係叫「禰豆子竹筒肉棒」，仲有女網友好貼心咁親身示範一次！好唔好睇我就唔知，幾好玩就真嘅！

資料來源：Twitter