網絡上非常火熱的遊戲《Among Us》除左狼人殺玩法爆紅外，其得意公仔都充滿商機，但今次講的係免費的新格鬥版本《Among Us Arena》，如果你鐘意《Among Us》公仔用佢地來格鬥玩小朋友齊打架都唔錯，而且遊戲流暢度極高，可以出連續技Combo，唔係呆呆滯滯求其打鬥，消磨時間一流！

《Among Us》原本係太空系狼人殺式遊戲，不過今次介紹《Among Us Arena》係由 Starcutter 開發製作非官方玩家自製，完整地將 Imposter 好多經典的殺人技巧重現於小遊戲中，例如小刀背刺、扭頸、或用手槍等作為格鬥招式。雖然作為小遊戲但並非單純， 遊戲非常之用心格鬥亦非常順暢！玩家可以選擇自己喜歡顏色的船員係熟悉的太空船進行對戰，遊戲中有 16 種不同顏色的船員可以讓玩家選擇，而且完全免費下載。遊戲設有「練習」、「街機」、「對戰」3 種模式讓玩家選擇，除左可以單機打，仲可以於同地區及同版本的玩家進行連線對戰，與大小朋友齊齊打架。

有時生活簡簡單單又有點小遊戲就可以休閒一整日，當然講緊放假！