{ SKIP }
文:MenClub 摯樂  圖:互聯網
POSTED ON 21 Sep 2021
【創意】法國新創公司專為農民設計農田迷宮成為大熱旅客戶外熱點

我地最推崇食腦同創意!法國人浪漫得來原來都頗有創意,今日介紹一間新創公司專門將農田設計成迷宮!農民除左以高科技機械性務農,仲可以參與農田迷宮建造將大片農地開發成戶外假日遊熱點,供遊客探險。外國地方大,一個農田迷宮一般占地 4 公頃,迷宮路線達 5 公里長,平均玩 1.5 小時先可以逃出迷宮,如果被困都唔緊要,打個電話有人教你快速逃離捷徑!世人因疫情已經悶爆,適逢有戶外農場迷宮挑戰,馬上成為假日一家大細最爆紅的戶外活動,所以話動一動腦,玩的開心經營的農民收錢,一家便宜兩家著!


將農田變成迷宮的想法來自 Guilbert 夫婦,呢家人丈夫 Frédéric 原本調理農務,而太太 Marie則出身於旅遊業,兩人結合後再發展專長,開發觀光農牧業,以增加調理農務附加價值,之後更想出農田種出迷宮的想法。直接將農場變成觀光旅遊熱點,2009 年,兩公婆係布列塔尼莫爾比昂省的 Rhuys 半島建立第一座農田迷宮,很快隔年就係基伯龍灣起到第二座大型農田迷宮,之後快速開花散葉,進軍朗德省、大西洋羅亞爾省、旺代省、濱海夏朗德省,以及大城市附近,包括昂傑、波爾多、巴黎市郊。2021 年更一口氣增加 10 座,總數到 23 座。因此,佢地成立新創企業(Pop Corn Labyrinthe)專門為農民做顧問公司協助有興趣的農場建立觀光農田迷宮。


迷宮由Frédéric 親自設計,會先紙上談兵做好設計,之後根據唔同農田的大小與地形調整,每個迷宮都獨一無二,公司又會隔年重新種植時再更新設計,令到同一地點的迷宮年年不同,吸引返頭客年年挑戰,挑戰每年的不同路線。簽約的農民農田會照常種植作物,早春作物剛萌芽時,Pop Corn迷宮公司的人員會來農田,照著迷宮路線移除路線的作物苗,到 7 月時,作物一般生長高到比人更高時,迷宮就成形。Marie 表示,每年他們在作物只有幾里米高的時候設計迷宮,一旦作物長成,連佢自己都同遊客一樣很難搵到路。Pop Corn迷宮的農田迷宮一般占地 4 公頃,迷宮路線達 5 公里長,平均約 1.5 小時就可以順利走出迷宮,但若有人迷路受困無法走出,佢地有快速脫離的路線可提供。


農田迷宮唯一缺點係開放時間有限,每年只可以由 7 月開始開放營運到 8 月,部分可到 9 月。對香港人來講就係暑假活動!不過農田迷宮並無受到疫情影響,2020 年客人依然非常爆多,因疫情悶爆的法國人渴望戶外活動,令迷宮更受歡迎,農田迷宮成為家庭樂的法國小朋友難得的熱點,既可以實地睇到農作物成長,又可以開開心心玩足一日,對家長來說具娛樂性之餘又有教育性。創辦人表示,好多農民積極尋求多元化營運收入來源以確保有好收入,因此深受農田迷宮吸引,公司現時更希望走出法國,進軍西班牙與瑞士。



曾幾何時HBO嘅《Game of Thrones》被譽為超級神劇,但因為最後嗰幾季拍得太爛而跌落神壇,唔少觀眾都認為結局收得非常倉促,更甚有影迷發起聯署要求重拍(冇錯,到依家都仲簽緊)。隨住最近一本關於HBO嘅新書問世, ...
hobby
【GoT】George R.R. Martin曾飛到紐約懇求HBO拍十季《Game of Thrones》
30 Nov 2021
雖然《Cyberpunk 2077》剛推出時嘅多Bugs、遊戲內容冇兌現事前承諾確實令人氣憤,但經過開發商CD Projekt Red呢一年嚟不斷更新,目前總算可以正常遊玩,而且佢哋亦冇打算放棄呢隻Game。最近CD Projekt總裁就宣布將於 ...
hobby
【從未放棄】CD Projekt總裁:《Cyberpunk 2077》&《The Witcher 3》將逐步加入多人遊戲功能
30 Nov 2021