自2013年遊戲開售以黎，開發商Naughty Dog每年都會整個「The Last of Us Day」出黎慶祝。而今年除咗開賣一堆週邊之外，系列主理人Neil Druckmann更公開咗由HBO拍攝嘅真人版《The Last of Us》劇集嘅首張「劇照」。

When I first saw them on set in full costume, I was like: "Hooooooly shit! It's Joel & Ellie! ????!"

The @HBO adaptation of @Naughty_Dog's The Last of Us is full steam ahead!

Can't wait to show you more (from all of our projects!) Happy #TLoUDay!!! pic.twitter.com/trq9N340FW

— Dr. Uckmann (@Neil_Druckmann) September 27, 2021

真人版《The Last of Us》劇集由HBO製作，Neil Druckmann本人負責編劇，早前亦有消息指佢會負責執導其中一部份。而佢於Twitter上就公開咗張「劇照」。照片中見到由《Game of Thrones》、《The Mandalorian》男星Pedro Pascal飾演嘅Joel，以及同樣來自《Game of Thrones》嘅少年演員Bella Ramsey飾演嘅Ellie，兩人於草原上背向鏡頭，而遠方就見到一架墜毀嘅客機。

但值得一提嘅係，Neil Druckmann冇直接稱呢張相係劇照，個人亦認為張相入面嘅材質以及光影效果與遊戲本身非常相似，所以或者並非真正嘅劇照？

Pedro Pascal (Game of Thrones)

Bella Ramsey (圖片：Game of Thrones)

真人版《The Last of Us》劇集除咗有Neil Druckmann參與之外，亦有HBO「神劇」《Chernobyl》嘅導演Craig Mazin其同編劇。試播集由俄羅斯導演Kantemir Balagov執導。拍攝剛於7月在加拿大展開，預計2022年6月完成，同年播放。首季預計有10集。