黎緊嘅周末假期諗好去邊未? 未嘅話不妨考慮下去香港W酒店嘅KITCHEN餐廳。而家去香港W酒店，你將可以一邊享用任飲嘅Aperitivo推廣，一邊品嚐由總廚Rafael Gil及其廚師團隊為你打造如同皇帝般享受嘅美味盛宴。

今次除左可以盡情享用意大利國民雞尾酒「Aperol Spritz」之外，你仲可以一試另一款以Campari為主材料嘅清涼作品「Garibaldi」；Negroni達人則可以無限暢飲「Negroni Sbagliato」，肯肯定能夠滿足你，令你暫卻忘憂、盡興而回！除左以上提到嘅3款雞尾酒外，推廣亦都包括一系列其他飲品，包有野岩你飲。

除左美酒，當然要有佳餚，KITCHEN餐廳週日自助早午餐為你提供一系列鮮味滿溢海鮮，如生蠔、龍蝦、龍蝦鉗、青口等；仲有一系列美味熱葷，如經典班尼迪蛋、烤頂級牛肋骨、香烤羊架及三文魚扒、惹味燒烤串、香煎西冷扒、日式天婦羅、中式燒味等；以及多元化壽司刺身和沙律，當然唔少得女士最愛嘅甜品啦！

KITCHEN週日自助早午餐將於即日起每日下午12時至3時供應，成人每位港幣928元包括無限添飲Aperitivo任飲推廣以及一系列其他飲品；小童(4-11歲)每位港幣498元，包括果汁及汽水。