{ SKIP }
文:MenClub 艾力克  
POSTED ON 23 Sep 2021

近年Johnny Depp因離婚及家暴醜聞慘遭封殺,除咗失去《怪獸與牠們的產地 3》演出機會,最新主演電影《Minamata(毒水曝光)》亦遲遲未能喺美國上映。佢近日出席西班牙《聖塞瓦斯蒂安影展》接受終身成就獎(Donostia Award),被記者問到點睇近年盛行嘅「封殺文化(Cancel Culture)」,身為過來人嘅Johnny Depp就表示情況已經失控,在座冇人係安全,分分鐘一句說話就惹嚟抵制...

(圖片截自:Variety via AP

封殺文化/取消文化(Cancel Culture)泛指公眾人物因為作出「唔恰當」嘅言論或行為,而遭到社會大眾輿論抵制,導致工作機會、商業代言、企業贊助通通都「被取消(Cancel)」,而呢類「唔恰當」嘅言論通常同種族歧視、性別歧視、具爭議嘅觀點有關。例如《哈里波特》作者JK羅琳就曾經因為歧視「跨性別者」言論而被網民抵制,甚至引嚟哈利波特演員Daniel Radcliffe公開批評。一直以嚟都有唔少人爭論呢種「封殺文化」是否「正確」,究竟係屬於「罪有應得」定抑或係限制言論自由,令大家唔敢暢所欲言。

《Minamata》劇照(圖片截自:IMDB)

回歸返Johnny Depp嘅睇法,當佢被記者問到點睇近年愈演愈烈嘅「封殺文化」,佢就表示「呢股風潮已經足以成為歷史事件,無論呢種文化會持續幾耐都好,呢種倉促判斷行為依家已經失晒控。我可以向在座每一位保證,冇人可以逃避呢股風潮,只要講錯一句說話,區區一句說話,就可以令你毫無立足之地。呢樣嘢唔單只發生喺我身上,亦都會發生喺其他人身上,不分男女老幼都有機會遇到。遺憾嘅係,有啲人會覺得呢種行為係正常。」

Johnny Depp繼續表示「雖然我相信冇人係安全,但我同時深信只要用真相武裝自己,就算世人嘅睇法(審判)可能會剝奪某種藝術創作權,都唔再重要。只要世上出現不公義嘅事,無論係針對你、你所愛嘅人、你所相信嘅人,都應該勇敢挺身而出,千祈唔好坐視不理,因為佢哋需要你嘅支持。」

資料來源:variety
近年荷里活電影、電視拍攝中,假如有床戲或者親密戲份,拍攝現場都會有個「親密行為協調員 (intimacy coordinator)」負責協調拍攝時雙方嘅動作,以保障演員們嘅權益。喺依家呢個「#Metoo」盛行嘅年代,的確係保障演 ...
hobby
【影視】「床戲指導」應否存在?Sean Bean指「破獲氣氛」
10 Aug 2022
由Tom Cruise主演嘅《Top Gun: Maverick (Top Gun 2)》大受歡迎,至今全球票房已經超過13億美金,成為史上票房第13高嘅電影,日前亦超越《Titanic》成為美國票房史上第七。而近日F1車手Lewis Hamilton於接受雜誌訪問 ...
hobby
【影視】咸美頓差啲有份出演《Top Gun 2》「喺後面掃地我都制!」
10 Aug 2022