{ SKIP }
文:MenClub 魏文青  
POSTED ON 12 Oct 2021

近年政治正確成風,無論係因為真心擁護,定只係想食住條水,反正唔少創作者都為作品加入政治正確、多元文化等元素。而最新加入呢個行列嘅就有大名鼎鼎嘅「超人」——唔好鬧住,睇埋落去你就知點解。

卻說於Tom Taylor及John Timms創作嘅漫畫《Son of Kal-El》第五集中,出現「超人」與男性好友親吻嘅一幕,於是「超人係雙性戀」就成為美漫界熱話。但要注意嘅係,《Son of Kal-El》中嘅「超人」,唔係我哋印象中嘅Clark Kent,而係Clark Kent與Lois Lane個仔Jonathan Kent。

於DC漫畫歷史中,Jonathan Kent呢個角色經過多次改寫、重啟,但反正佢就係繼承咗Clark Kent嘅所有能力,而且因為有地球血統所以「有可能」更加強大 (你當佢係孫悟飯就差唔多架啦)。而喺《Son of Kal-El》中,由於老豆超人去咗外太空唔知幾時返,所以Jonathan就繼承咗「超人」呢個銜頭,然後佢又同系列嘅新男角色Jay發展出一段情,然後咀咗啖,公開佢係雙性戀嘅設定。

所以,「超人係雙性戀」呢句嘢,其實係有少少誤導成份,因為大家一睇到呢句嘢,個腦諗到嘅係老豆Clark Kent,但實際上講緊嘅係阿仔Jonathan Kent。事實上Jonathan亦唔係DC漫畫中第一個「出櫃」嘅角色,8月嘅時候蝙蝠俠個助手「羅賓」亦都識咗個男朋友——但同樣地,呢個「羅賓」唔係元祖Dick Grayson,亦唔係被小丑殺死嘅Jason Todd,而係第三代羅賓Tim Drake。

由於可見,其實DC (以至好多唔同品牌、系列),都係有意用啲「驟眼睇吸引眼球、仔細睇唔會得罪Fans」嘅方法去表達對多元文化嘅支持,再直接啲講就似乎係試緊水溫。

資料來源:NPR
Netflix人氣劇集《Stranger Thing(怪奇物語)》等足3年半終於迎來最終章!一眾主角將再度集結,齊心協力誓要搵出並消滅大魔王Vecna,結束一切讓霍金斯小鎮回歸平靜。究竟結局會係點呢?今年11月正式揭曉! ...
hobby
【影視】《怪奇物語》最終季正式預告出爐!主角群齊心協力迎接最後一戰
31 Oct 2025
日本特攝劇《超級戰隊系列》歷史悠久,陪伴過好幾代人童年成長,亦捧紅過唔少演員。不過最近有報導指,由於受少子化影響,呢個走過半世紀嘅系列,將隨住現正播放嘅《No.1戰隊五獸者》完結後正式劃上句號。 ...
hobby
【影視】50年日本特攝傳奇落幕?消息指《超級戰隊》系列將於本季畫下句號
31 Oct 2025