{ SKIP }
文:MenClub 波特先生  圖:互聯網
POSTED ON 05 Oct 2021

Omakase「廚師發辦」相信市面上唔難食到,但要食到一個以海膽為主題嘅Omakase就唔係度度都有,而好味嘅就更加係可遇不可求。

而帝逸酒店頂樓日式餐廳源峰,近日兩位日籍主廚就特別喺日本為大家帶來最時令嘅海膽,並推出海膽作主題嘅Omakase,令你雖然未能飛去日本,但都能有到日本嘅第一身感覺。

呢個Omakase套餐除前菜、椀物和甜品以外,主要涵蓋刺身四款、特選海膽壽司四件、燒物及揚物。清新開胃鮮腐皮溫泉蛋伴海膽,其質感嫩滑無比,溫泉蛋完美配搭甘香鮮甜嘅海膽,讓你揭開舌頭美味簍旅程嘅序幕。

乘接以吞拿魚、油甘魚、海膽刺身及縞鰺薄切四款油脂甘香嘅鮮味剌身喚醒你嘅味蕾。伊勢龍蝦海膽燒,於龍蝦肉上塗上秘製醬油烤至表面焦香,肉質呈帶光澤感的金黃色,蝦肉爽口彈牙,剛好中和豐腴甘味的海膽。再來係特選海膽壽司包括鹽水海膽、北海道馬糞海膽、紫海膽及昆布漬海膽,各款海膽滑嫩甜美,入口即溶,賣相及味道極盡奢華。

另外香脆可口嘅秋野菜天婦羅及及牛素麵亦都係廚師推介,二人套餐更包括微醺醉人氣泡雞尾酒兩杯。

以上套餐:

兩位用港幣$3,380

四位用港幣$6,980

而四位用御飯則以香味撲鼻的牛肉海膽釜飯取替,滿溢碗邊的新鮮海膽與牛香濃郁的牛肉完美結合,同時套餐亦送上源峰自家品牌清酒,包你捧住個肚走。

繼2015年「LEGO IDEAS 21303」後,LEGO事隔十年再次推出Pixar動畫《太空奇兵威E(WALL-E)》模型。而且今次除咗有主角威E,就連伊芙(EVE)、清潔機械人毛仔(M-O)同小蟑螂(Hal)都有份! 呢款模型由 ...
hobby
【玩物】LEGO重推《太空奇兵·威E》積木套裝 今次仲加入EVE及M-O!
05 Aug 2025
如果有留意科技產品嘅朋友,應該知道科技公司好鍾意拍廣告諷刺競爭對手,抽擊對方產品痛點。隨住Google將於8月21日推出全新Pixel 10系列手機,佢哋最近就出咗條廣告,諷刺Apple承諾嘅「新Siri」至今仍未見蹤影,與其 ...
hobby
【科技】Google Pixel 10廣告諷刺新Siri遙遙無期:仲等?不如換過部電話啦!
05 Aug 2025