生活精品店LOG-ON，過去一直都係為大家提供高質生活精品百貨及潮物，而近日尖沙咀海港城嘅分店宣佈回歸，並以全新面貌去見大家！

全新回歸嘅海港城LOG-ON分店，面積超過6600平方呎，無論係店舖設計、購物體驗、產品方面都進行全面革新，目的都係希望帶比你「嶄新互動購物體驗」。

今次回歸，LOG-ON宣佈將進入全新時代，其中由店舖整體設計都由日籍設計師根據地區特色進行Design，並針對新店定位，以白色作為主調以及首次於店門位置加入 LED 屏幕。另外，店內亦增加各種唔同嘅互動體驗專區，配合留白簡約陳列設計，希望可以為繁忙嘅都市人創造一個輕鬆、愉快、舒適嘅購物環境。

而除左店舖設計之外，最重要嘅當然就係入面有咩驚喜啦，今次新店就提供五大體驗專區，包括美妝、家居、露營、健身及防疫專區，專區則包括：Beauty LABO、Hipster Home、Glamping Fun、Fitness Track以及Protection。

最後，為慶祝新店開幕，LOG-ON 特意邀請多款人氣精品來到新店，包括人氣爆燈嘅 LuLu 豬、《小王子》首個香港插畫家蔡景康 Steven Choi 作品、傳揚快樂訊息嘅 Bulbble Inc.等等，全部都等緊你去發掘架！