{ SKIP }
文:MenClub 摯樂  圖:互聯網
POSTED ON 05 Nov 2021
【新運動】日本次世代「SASSEN」以光劍格鬥安全有趣嘅全民運動斬兩刀贏 

自從香港有少年劍神張家朗奪得奧運金牌掀起一股劍擊熱潮。不過傳統劍擊畢竟唔易入屋非大眾玩意,如果想簡單好玩老少咸宜,又可以用刀劍相互「格劍」,就要留意最近日本流行新次世代新運動「SASSEN」。呢項新玩法利用科技結合發泡膠光劍,AI可以瞬間判定擊中。好玩刺激又安全老少咸宜可以安心參與。基本規則好簡單一分鐘比賽最快擊中對手兩次嘅就贏唯一規則唔可以打頭。 光劍一擊碰到對手就會自動變紅同上傳更新戰果!總之四個字:「唯快不破!」。


睇得多動漫電影大家係咪都曾好想拿住光劍同人決鬥呢?而家有機會啦,日本興起一種新型態運動「SASSEN」絕對滿足你同你所有朋友。「SASSEN」運動由名為本村隆馬的日本人係2016年構思出來,並且創立「全日本SASSEN協會」,2018年正式開始推廣呢項運動。名字的由來取自「颯然(さつぜん)」這個單詞,以及日本知名劍豪宮本武蔵的二天一流劍術當中的「指先(さっせん)」。


「SASSEN」運動參賽者會使用長約45CM的「SASSEN刀」,刀劍本體以柔軟的發泡膠製成,再加上可以瞬間判斷擊中與否的電子零件,就變成可以發光的「SASSEN刀」的專用道具!基本規則係一場比賽60秒,先擊中對方兩次就獲勝,但唔可以打頭!一旦光劍碰觸到對手,SASSEN刀就會自動做出判定。劍身的燈號係擊中對手後瞬間會變紅色,並且回傳比數得分!判定擊中先後的精準度可以達到0.025秒!而每場比賽選手只能揮劍5次,選手必需掌握時機,唔可以亂舞光劍!但求一擊必殺! 


全日本SASSEN協會近年積極舉辦日本巡迴體驗會,據日本電視台節目披露由於受到鬼滅之刃動畫影響, 參加體驗會嘅小朋友大幅增加! 大人小朋友大家拿住發光的光劍互相追打!?睇落都真係幾好玩。無論小朋友想放電,一班朋友想格劍,定情侶間想開心比武都一定會玩得好開心。甚至你可能係快刀流最有潛質的SASSEN運動「快刀手」!相信呢個遊戲好快就會傳到香港! 

自從上個月《薩爾達傳說 王國之淚》出咗後,網絡上就有非常多相關內容,不過當中絕大部份都係玩家利用「究極手」砌飛機、砌高達,基本上冇人真係去救返阿薩爾達公主。近來仲有位外國玩家將隻Game當係《Sims》咁玩, ...
hobby
【電玩】有邊個真係救緊公主? 外國超強玩家《王國之淚》砌出大宅
02 Jun 2023
早前《The Flash》嘅外國傳媒評價出爐,似乎好有希望成為DC近年黎最好睇嘅電影,更可能憑「重啟」劇情將整個DC宇宙拉回正軌。相信一眾DC迷都相當期待!咁期待之餘仲可以做啲咩?Hot Toys就將於6月7日起,與太古城中 ...
hobby
【本地】一個閃電俠加七個蝙蝠俠雕像 Hot Toys「 閃電俠」展覽
02 Jun 2023