話咁快又踏入乾燥嘅秋冬，為防止皮膚爆拆龜裂，唔少朋友都用加濕器提升室內濕度。向來「不務正業」嘅日本日清適逢旗下杯麵誕生50周年，最近就聯同寶島社推出合味道造型1:1比例加濕器。

呢款加濕器總共有原味及海鮮味兩款，容量為250ml採用USB供電，外觀還原真實比例合味道杯麵，水霧噴口更設置喺掀蓋位置，驟眼睇落就好似一個熱到出蒸氣嘅真杯麵。而且如果加水方法亦都類似平時食杯麵，只掀開個蓋倒入進就OK。

雖然外觀似模似樣，但官方就話唔會有真杯麵嘅氣味，之不過大家會唔會自行腦補就另一回事啦。呢款加濕器由即時起於寶島社官網開放訂購，售價為$2189日元（約HKD$150）。