{ SKIP }
文:MenClub 摯樂  圖:互聯網
POSTED ON 10 Nov 2021
【咩都有得賣】前蘇聯研發”Kholod”超音速試驗導彈拍賣會成功賣出私人收藏

拍賣會經常有奇珍異品出售,近期最轟動又有趣的係上星期有間歐洲公司成功買到一枝超音速測試用導彈火箭,拍賣品全名CIAM-NASA超音速飛行實驗室(HFL)”Kholod”超音速試驗台導彈,最終成交價只需要27700歐元。呢隻寒冷式(Kholod)導彈正值前蘇聯解體前軍事研發,後來由法國及再後來加入NASA出資金完成,全球只剩下4枝,除左今次拍賣品美國、法國、俄國都留一枝收藏。下次再有導彈拍賣唔好錯過,原來比相像中「平價」!


今次拍賣團隊Breker係11月6日成功以網上直播的方式賣出一枝CIAM-NASA高超音速飛行實驗室(HFL)”Kholod”超音速試驗台導彈。 最終,成交價為27700歐元賣左畀一間來自歐洲公司。 不過具體公司名保密並無對外公開。呢枚為1991 年冷戰末期蘇聯研發的「寒冷」式超音速測試飛彈,雖然話就話前蘇聯研發,但實際出資金的大半來自法國甚至美國。蘇聯係 1991 年 11 月 27 日係哈薩克飛彈試驗場進行首次試射,不過歷史進程不幸地一個月後蘇聯政府解體,使計畫無法繼續進行落去,由於當時美國同法國等歐美國家都非常想了解蘇聯對超音速飛彈的發展狀況,加上怕如果放任唔插手,怕相關先進技術會流入歐美的敵對國家。於是就出資金資助,最初法國政府首先同俄羅斯政府合作持續運作 CIAM 進行研發工作,並將計畫改名為超音速飛行實驗器(Hypersonic Flying Laboratry, HFL),美國太空總署(NASA)則在 1994 年加入。此計劃一直研究到1998年,NASA 等共提供9,500 萬美元資金,並生產左 9 枝測試彈,其中 5 枝係測試時毀壞,剩下的4枝飛彈體,除左美俄法方收藏之外,正正是開放拍賣的一枚為當年負責進行風洞測試專用。


”Kholod”寒冷式飛彈使用超音速衝壓燃燒引擎技術(Scramjet),將引擎安裝係 S-200 防空飛彈的頂端,由飛彈上四具固態燃料火箭,將彈體推送至 20,000 公尺高空後脫離,再啟動衝壓引擎持續攀升至 35,000 公尺高度,可達 6.47 馬赫極速,為左抵抗超音速飛行所產生高溫,尚未燃燒的低溫液態氫燃料可充當系統冷卻劑。


講返今次拍賣以 27,700 歐元價格成交飛彈,只比起標價 22,000 歐元多出 5,700,實際上係大失拍賣公司原來預期的 40,000~70,000 歐元價位期望,可謂超級低開。所以下次如果再有導彈拍賣呢類大野,大家不坊博大霧加入競價,可能好多香港富豪都買到! 想像下買架車或買名畫做收藏品,點及放枝導彈係後花園有料。



作為一個貓奴,你去叫主子但主子明明聽到都唔應你,係一件非常合理嘅事。但主子唔理你,好有可能唔係因為聽唔明你講咩,而係根本就唔想理你。因為據日本一個研究發現,主子們好可能係知道同一屋簷下嘅其他貓叫咩名。 ...
hobby
【寵物】日本研究指出 貓其實聽得明其他貓叫咩名
20 May 2022
雖然話大家返工都係為份糧,但一個好嘅老細的確能夠令打工仔「獲得份糧嘅過程」好過得多,相信唔少打工仔心目中亦會有一個「理想老細」嘅形象。近日日本網民「とあるん@toarutoa」就於Twitter列出「原版《龍珠》嘅菲 ...
hobby
【職場】日網民指菲利係個好老細!獲14萬人讚好
20 May 2022