一講到霧霾你聯想邊個城市？現今數據顯然全球最嚴重空氣污染城市係印度新德里，近日霧霾情況非常惡劣PM2.5超標20倍，印度人依然能夠存活證明印度乃超級強國。相比之下，中國北京的霧霾數據大有改善。根據瑞士IQ Air全敢即時空氣品質（AQI）城市排名，香港係最污染空氣排38，北京原來好過香港排緊40。排第一印度新德里真係無花無假，連當地學生都要停課一星期避一避，不過數據嘅嘢信就信，唔信只是一場遊戲。

印度人可能真係天生異稟，繼恆河泡泡污水之後，11月12日印度新德里PM2.5即直徑小於或等於2.5微米的細懸浮微粒濃度達到每立方公尺329微克（µg/m3），係世衛建議每日人類暴露最高量的20倍超標。活係印度新德里，正常人類都難以呼吸！正正由於空氣質素太差，新德里人自周一起要停課一星期，避免學童吸入骯髒空氣。至於點解印度霧霾會咁嚴重，除左因為印度大量用化石燃料發電，而加上強大工廠和車輛廢氣，更加上兩大印度特有人為污染物，包括每年冬天鄰近省分的農民透過焚燒稻稈來清理農地，以及宗教上印度節慶排燈節，新德里民眾會徹夜施放煙火和鞭炮，引致當地空氣全球最惡劣。

唔計其他毒氣，單單PM2.5即直徑小於或等於2.5微米的細懸浮微粒，可以透過呼吸進到血液之中，除左呼吸疾病，仲可能引發心血管疾病。其實印度政府並非咩都唔理，多年來一直嘗試改善空氣品質，例如今年德里駛左200萬美元架設左一座「霧霾塔」，內有 40個巨型風扇和過濾器，每秒吹送1000立方公尺的空氣，期望淨化空氣。不過該大型空氣清新機只能將範圍限於1平方公里的區域內細懸浮微粒濃度減少一半，對整體空氣質素冇大幫助。

除咗學校停課，當地工廠禁止施工為期4天，政府機關將開始遙距在家工作。印度中央污染控制委員會周五建議，民眾應盡可能減少戶外活動，且由於夜間無風，惡劣的空氣品質可能持續到11月18日。印度冬天空氣污染惡化最主要的原因係農民使用傳統方式清理田地，焚燒已收割的稻田，準備種小麥。而印度最高法院其實已下達禁令，但新德里周邊省分的農民仍然持續燒稻稈；據政府數據，今年燒稻稈的行為是過去4年以來最多。

除左空氣問題，新德里同時有水污染問題。近日，印度亞穆納河（Yamuna River）流經德里的河段，被含有磷酸鹽的濃密白色泡沫覆蓋，屬於工業染色過程排放的廢水和洗滌劑，為有毒化學污染物，不過部分民眾依然為左印度信仰而跳入河沐浴污水。印度人真神聖不死之種族！