{ SKIP }
文:MenClub 波特先生  圖:互聯網
POSTED ON 14 Nov 2021

如果講起最硬淨嘅手機,相信唔少人第一時間都一定會諗起Nokia品牌,因為佢舊式嘅機種基本上點跌都唔爛,甚示被人笑稱係「最強武器」,足以證明大家對Nokia手機嘅印象絕對係最耐摔的。但係如果我話你知,而家嘅iPhone其實比Nokia手機更加耐摔,你又信唔信?

近日,網上就有人拎Nokia 3310與iPhone 13 Pro進行一對耐摔對決,位置於20層樓嘅高度進行,兩部手機將於同一高度往下直摔,睇下邊部更加耐摔。

相信你一定會以為兩邊都係玻璃嘅iPhone點可能更加耐摔,基本上一跌個mon就爆/壞啦師兄,Sorry咁你就真係大錯特錯啦。

喺第一次嘅摔機測試,iPhone 13 Pro用上原廠嘅MagSafe保護殼,但結果一撞之下保護殼直接爆飛,而其背面玻璃基本上全碎(你呢一刻肯定心諗: 都話架啦),但估唔到嘅係其正面屏幕完全無任何碎裂,而拍攝鏡頭亦可以繼續正常運作。

另一邊廂嘅3310,一撞之下直接散晒,無論外殼、電池、按鍵等散落一地,不過測試者卻未有將佢重組,呢個位令到今次測試產生懸念,因為要知道Nokia手機有機會散晒砌番埋都可以用的。

而測試完第一次仲唔夠喉,第二次再摔之下,iPhone 13 Pro嘅機背碎得更誇張,內部零件亦己經顯露出黎,但令人完全估唔到嘅係屏幕同相機依舊可以正常使用。正所謂一不離二,二不離三,iPhone 13 Pro再被人丟多一次落樓,今次相機鏡頭終於壞啦,但屏幕就竟然繼續可佞正常使用。

係咪估唔到呢? 其實如今嘅iPhone 13系列屏幕採用「超瓷晶盾」玻璃材質,官網介紹呢樣材質係有4倍抗摔能力,咁樣就足以證明點解屏幕無爆。不過相反,iPhone嘅手機背部卻可能係佢嘅致命傷。

雖然話坊間有傳黎緊嘅10月發佈會中,Apple會推出配有新頭帶嘅Vision Pro,似乎代表佢哋仲未放棄呢款雷聲大雨點小嘅新產品。但近日《Bloomberg》報導亦指Apple內部已經全面暫停Vision Pro嘅相關開發,將資源轉向智能 ...
tech
【科技】傳Apple智能眼鏡有兩款使用介面 分別搭配Mac或iPhone使用
14 Oct 2025
Apple喺2023年推出嘅Vision Pro,憑藉強勁效能同沉浸式體驗令人印象深刻,但由於價格高昂、機身重同應用程式唔夠多,始終未能打入大眾市場。對此,Apple原本計劃開發一款更輕巧同平價嘅頭戴式裝置「Vision Air」,但 ...
tech
【科技】消息指Apple暫停開發輕量版Vision Pro 轉攻研發智能眼鏡
13 Oct 2025