近日，SPORT b.與英國帽飾品牌KANGOL合作推出全新聯乘帽款系列，其中帽款包括漁夫帽及鴨舌帽，雙方全新合作重新演繹SPORT b. 為人熟悉嘅dino恐龍logo及KANGOL標誌性嘅袋鼠logo。

今個SPORT b. x KANGOL聯乘系列一共備有兩款漁夫帽。黑色襯米色漁夫帽，一面米色係尼龍布料，適合戶外風格；另一面黑色則係棉斜紋布，低調率性。而深淺藍色漁夫帽，一面同樣係尼龍布料，另一面係棉斜紋布上面印有塗鴉SPORT B. dino 圖案，活力十足。

而鴨舌帽則採用經典KANGOL 504 鴨舌帽設計，刺有聯乘logo，透氣紗線令你佩戴起上黎舒適唔焗束。其中酒紅色將係今個秋冬大熱顏色，或你亦可選擇長青黑色，適宜配搭SPORT b.牛仔褸，型格造型就係咁易。