AirTag原先作為防止手機等貴重小物品遺失推出的定位工具，不過實際應用卻只係雞肋甚至成為小偷跟蹤、盜竊嘅幫兇。解鈴還需繫鈴人為左幫助大家反賊匪跟蹤，蘋果仲專門為 Andorid用家推出應用程式 「Tracker Detect」幫助 AirTag 或其他與「尋找」（Find My）服務相容的追蹤工具。如果大家用Andorid電話，開車或出門前不妨裝左佢掃一掃睇下你有無被人落左跟蹤，如果身邊發現 AirTag不妨停一停想一想，係咪出現咩野「信任」危機！？

根據蘋果官方話如果應用程式係附近偵測到 AirTag 或與 Find My 相容的追蹤器至少 10 分鐘，則可以使用聲音來幫助提醒。進行掃描將顯示附近的任何 AirTag，如果發現有 Airtags 聲響，蘋果將提供相關資訊，協助用戶藉由取出電池來停用追蹤器。蘋果早前曾承諾，讓不知情 Andorid 用家發現惡意潛在追蹤器，如今已經係Google Play 推出呢款應用程式，提供 Andorid 用家下載。係難得能夠係Google Play下載蘋果推出的App！

不過呢個app同iOS 版不同，呢款軟件只能手動操作搜索，App 不會隨時係後台掃描或提醒用戶，另外當然也無法讓 Andorid 用家實際使用到 AirTag。