{ SKIP }
文:MenClub 摯樂  圖:互聯網
POSTED ON 15 Dec 2021
【動森同款】加州海底拍攝到極罕見太平洋桶眼魚科學界及動物森友會玩家同雀躍

蒙特利灣水族館研究所 (MBARI) 團隊上星期發佈影片影到一條大自然極罕見但好多「動森」玩家都釣過的太平洋桶眼魚!遊戲中釣過甚至已收藏的人唔少,但現實世界有人能夠拍到此魚實際面貌屬極難能可貴!如同外星生物的太平洋桶眼魚今次係加州蒙特雷灣 (Monterey Bay) 海底 650 米深位置被攝錄,現時科學家仍不清楚太平洋桶眼魚實際的數量,不過好可能比「動森」玩家釣到的數量為少!

呢條太平洋桶眼魚 (Macropinna microstoma) ,樣貌相當有趣有半透明球狀頭部,以及一對綠色桶裝大眼睛,感覺相當科幻。太平洋桶眼魚的棲息地可以由太平洋北部的白令海到下加州和日本一帶都有。不過呢種魚生活在非常深海的海洋暮光區,該區域位於水底 200–1,000 米,接近海水進入完全黑暗的深度,一般人一生中實際睇到佢的機會係接近零。


蒙特利灣水族館研究所 (MBARI) 團隊發佈Twitter 影片難得拍攝到呢種奇異、罕見的生,今次影像係極度難得的生物文本。拍攝於近加州蒙特雷灣 (Monterey Bay) 海底 650 米深位置。拍攝非常清晰係遙控潛水器的光線下,可以睇見太平洋桶眼魚眼睛發出亮綠色光茫,透過覆蓋魚頭的透明、充滿液體的防護罩可以輕易清晰睇見全貌。根據 MBARI 研究人員過去的觀察,太平洋桶眼魚會等待浮游動物和水母等獵物從頭頂飄過時保持不動,並會張口咬住獵物再慢慢吞吃。據指太平洋桶眼魚比常見的暮光區魚類例如燈籠魚更罕見,太平洋桶眼魚眼睛中的綠色色素可能有助其過濾來自海面的陽光,而頭部的透明罩是為了保護這對大眼而慢慢演化而出。


太平洋桶眼魚 (Macropinna microstoma)於 1939 年首度被發現,不過過去人類都係因為魚船捕捉樣本而得知,故大多數被漁網弄破透明的頭部而殘缺不全。完整的活魚直到2004 年才首次被拍攝下來。今次相信都係拍攝到最清晰可見的一次,「動森」玩家似乎比科學家更雀躍。

農曆新年長假期,除咗拜年之外最好就係睇戲放鬆下。最近華納兄弟YouTube頻道就上架咗多套經典電影,涵蓋喜劇、驚悚、科幻、劇情片等多種類型,完整版免費睇。 華納兄弟官方所上傳嘅17部電影,主要係1980 ...
hobby
【影視】新年假期有戲煲?華納兄弟YouTube頻道公開17部經典電影任睇
27 Jan 2025
近日LEGO宣布與Netflix跨界合作,聯手推出《One Piece》積木模型,重現真人版劇集中嘅經典場景,一次過滿足LEGO同One Piece粉絲。如果有LEGO版梅利號仲唔爆買! 據了解,今次聯乘套裝將取材自《One Piec ...
hobby
【玩物】LEGO x Netflix真人版《ONE PIECE》推出聯乘積木模型
27 Jan 2025