虛擬貨幣炒賣已經成為近日最熱門嘅投資活動之一，唔少人因為咁而一夜致富，當然亦有人因此而欠落一身債。而外國就有一位30多數嘅囝子，喺2014年開始用所有積蓄投資比特幣，最終成為億萬富翁。

呢位外國男子，自2014年開始用盡自己嘅一切投資比特幣，三年後佢嘅積儲已經升值至2000萬港元，再隔兩年更升至2億6千萬元。可能唔少人都覺得佢真係好幸運及眼光獨到，但佢本人卻因為致富而覺得人生失去樂趣....

本來呢位男子投資比特常前年收入約為25萬港元，但2019年佢因為比特幣關係資產已經達到2億6千萬港元，其後佢就決定退休，開始人生下半場。

不過，退休生活展開後，呢位男子就開始有啲後悔，佢覺得人生已經完全無樂趣，以往打工嘅時候，當中嘅刺激感令佢感到快樂，但退休生活已經難比到佢呢種快感，佢覺得只係自己太好彩投資中了先有咁多錢，佢覺得自己好似出貓咁先有今日嘅自己咁話...

唔少網民都不齒其言論，覺得佢既然咁有錢，不妨去做多啲善事，幫下其他人好過啦。