近年香港人越黎越識食生果，好似車厘子、蜜瓜等，而士多啤梨亦當然係其中必食之一。目前除左日本嘅士多啤梨之外，韓國嘅進口貨亦越來越高質，就好似近日岩岩抵港嘅Tina Berry就絕對值得一試。

韓國水果近年憑住先進嘅栽種技術及穩定培植，令越來越多人選擇佢地嘅產品，而12月係韓國士多啤梨嘅當造季節，其中Tina Berry士多啤梨就由韓國收割後最快48小時就送抵香港，絕對係新鮮嘅保證。而當中共分4款：梅香、金實、雪香及阿爾塔王，當中每一粒士多啤梨都由專人精心挑選，務求揀出最優質嘅士多啤梨送到你口中。

Tina Berry呢個品牌由韓國士多啤梨出口綜合組織K-berry所建立，其對品質嘅堅持及肯定，相信都會係大家選擇佢地嘅指標。

阿爾塔王

完美甜酸比例且帶有十足桃香味，果型碩大尤如士多啤梨中的巨人族，果肉結實，可以話係士多啤梨界嘅王者。

特點：體積碩大，果肉結實

金實

由梅香及雪香混合種植而成，既有梅香爽實口感亦有雪香嘅體型，甜香味濃，融合桃香，且糖度極高，因此深受歡迎。

特點: 硬度適中，糖度較高，甜香味濃

雪香

入口有甜蜜融化嘅口感，係韓國內銷 No. 1。由於雪香果肉嬌嫩，保存難度極高，所以更顯矜貴。

特點: 果汁豐富，果肉嬌嫩

梅香

梅香係韓國出口No.1 ，其口感爽實、味道清香、價格親民。

特點: 大圓錐形，長而緊實，呈蛋形狀，耐於貯存