經歷完聖誕節同新年嘅朋友，準備好迎接情人節未呢？最近LEGO就以深情而聞名嘅「愛情鸚鵡（Lovebirds）」推出咗款模型，若然閣下另一伴係講心唔講金，唔使昂貴禮物一樣咁開心，不妨就送隻雀畀佢一齊砌。之不過確認對方真係唔介意先好喎，否則到時就唔係「砌」而係「跪」！

愛情鸚鵡（Lovebird）又名情侶鸚鵡或愛情鳥，係一種愛群居且深情嘅烏類，會同伴侶形影不離、廝守終生，非常浪漫。適逢情人節將近，LEGO Seasonal就推出咗款應節模型，以298魂彩色繽紛嘅零件還原一對愛情鸚鵡，完成組裝後高約11.5cm。除咗鸚鵡本體之外，仲有一個可以用透明組件撐起嘅紅色心心，呈現出兩隻鸚鵡嘅甜蜜氣氛。

「LEGO 40522 Valentine Lovebirds」售價為US$12.99（約HK$100），目前於美國LEGO官網公開發售，香港暫時未有消息。