出道30多年嘅黎明（Leon）向來緊貼樂壇動向，早排先分別現身於陳柏宇及張敬軒演唱會擔任嘉賓，今日就突然喺Facebook自嘲《夏日傾情》啲震音震過貓王，令佢非常難受，所以決定重新錄製新版本，並已上載到音樂平台。

今朝Leon突然喺FB表示《夏日傾情》係佢初出道冇幾耐嘅歌，由於已經好熟所以彩排同開演唱會都唔會翻聽，直到舊年朋友喺車上播出當年版本，佢突然覺得首歌啲震音震過貓王無法接受，經過重重困難申請版權，最終成功推出重新錄製版，同時又怕得一首會太無謂，所以就重錄埋《愈夜愈有機》。

有名你叫金句王，Loen短短一個FB Post已經係咁拋出金句「做人畢竟要與時並進，當年情可以存在。」、「鍾意定唔鍾意，對得住自己咪鍾意，又冇對唔住人。」最後仲識得借用《係咁先啦》嘅歌詞作結，認真幽默又跟得上潮流，唔知大家又覺得新版定原版好聽啲呢？值得注意嘅係，今次EP 叫做「重新唱vol.1」，難道之後會有vo.2、3、4？

《破壞之王》劇照