早幾個月前，我地偉大嘅祖國決定挽救時下年輕人沉迷打機嘅陋習，決定實施18歲以下限時打機嘅規定，以引導佢地努力學習，報效國家。不過原來10年前，韓國已經推行左禁止年輕人深夜打機嘅全國規定！

10年前，韓國推行全國俗稱「灰姑娘」嘅禁止青少年深夜上網打機嘅規條，國家要求遊戲商禁止喺深夜12:00至朝早6:00期間為16歲以下人士提供服務。

而韓國呢個全國性決定，原來係全球首個向未成年人士實行禁上網打機嘅國家，不過正所謂回頭是岸，韓國發現呢條規例10年來一直備受批評，外界認為根本未能阻止年輕人沉迷打機，相反卻侵犯其個人權利，甚至影響韓國嘅遊戲/電競競爭力。

就係咁，韓國政府決定今年正式廢除呢條對年輕人嘅禁令，唔再對年輕人強制禁止打機上網，相反佢地決定讓家長或監護人與未成年人士互相商談，去決定上網打機嘅時間，有傾有講咁先係架麻。

嗱，係韓國政府無能先會走回頭路嘅姐，我地祖國嘅決定就肯定岩既，支持支持！