如果要數最受歡迎嘅三國人物，相信呂布呂奉先必定係其中之一，其最強武力、霸氣都令佢收獲唔少Fans。不過近日就有中國網友們對日本人咁鍾意呂布大感不解，從而引發兩國熱烈討論。

對於無熟讀三國歷史嘅朋友，應該大部份都只係憑住遊戲或漫畫去認識呂布，而大多呢啲描繪嘅呂布都係武藝爆燈、以一敵千、威風凜凜等等，相對正面嘅形象。但係，事實上三國歷史入面嘅呂布，卻係一個除左擁有武力之外，就係一個言而無信、不斷背叛身邊人，中國人推崇嘅仁、義、禮、信統統都沒有。

正因為咁，一班中國網民就對於日本人咁推崇呂布覺得難以理解，紛紛表達不滿。對此，日本網民就表示自己鍾意呂布嘅原因，其中包括日本係尚武嘅國家，而中國係尚文嘅國家(應該係)，所以雙方根本推崇嘅本質唔同。亦有網民表示全因為「三國無雙」嘅錯...

不過，其實作為一個虛構人物，此呂布與彼呂布可能都唔太一樣，所以各有喜好亦無傷大雅，你唔鍾意人地鍾意? 「唔好啦~」