{ SKIP }
文:MenClub 波特先生  圖:互聯網
POSTED ON 10 Jan 2022

作為最吸金嘅拳擊選手,「不敗拳王」Mayweather曾公開表示退役離開擂台,但有錢唔通唔賺咩,所以佢好快就再次走上擂台再戰,而繼上年與Logan Paul嘅表現賽後,佢日前就宣佈將好快舉行下一場比賽!

據最新消息指,Mayweather透露將於今年2月20日喺杜拜嘅帆船酒店直升機停機坪舉行表現賽,雖然對賽選手並未正式確認,但有傳Youtuber Rashad Belhasa會係最大機會嘅對手。

而同以往嘅賽事唔同,據指Mayweather今次賽事將唔係公開賣飛形式,而係受特別邀請嘅朋友先有機會觀賞呢場賽事,而Mayweather亦親指唔會邀請太多人觀戰,所以能夠黎到嘅人將會係最特別的。

如果有睇開炫富IG戶口嘅朋友一定識得Rashad,因為佢係中東有錢人嘅富二代,現年只有19歲嘅佢,15歲開始就喺社交媒體日日Show自己嘅跑車、大量金錢、限量波鞋等等,而近年佢就開始熱愛拳擊,所以都明白點解Mayweather會搵上佢,當然就係貪佢夠有錢,亦都貪佢喺社交媒體有一定嘅號召力。而當然睇牌面Rashad就梗係唔夠Mayweather打啦,但係咁有錢嘅佢究竟會唔會可以令到起碼係一場平手嘅比賽呢?

尼馬預計即將離隊!
sports
【足球】尼馬將被巴黎趕走,唔知會碌去邊呢?
29 Jun 2022
雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中 ...
sports
【運動】「力王爭霸戰」或成奧運項目 最快2028洛杉磯奧運成真
27 Jun 2022