{ SKIP }
文:MenClub 艾力克  
POSTED ON 17 Jan 2022

自從口罩成為生活必需品後,唔知大家有冇覺得街上好似多咗靚女/仔呢?最近英國就有研究顯示,無論男士或女士,只要戴上口罩都會變得更有魅力,而且外科口罩比布口罩效果更好。咁嘅話,唔知戴兩個口罩會唔會顯得我更加靚仔呢?

據《The Guardian》報導,去年英國卡迪夫大學(Cardiff University)針對戴口罩對魅力嘅影響做咗個研究,搵嚟43名女士分別對「冇戴口罩」、「戴棉布口罩」、「戴藍色外科口罩」以及「用黑色書遮住下半塊瞼」嘅男性臉乳評分,最低1分,最高10分。結果顯示,戴布口罩比起唔戴或純粹用書遮塊臉嘅人獲得更高評分,而最高分就係戴外科口罩嘅人。

對於實驗結果,卡迪夫大學心理學系準教授、面部專家Michael Lewis就認為,由於戴口罩會令人將注意力集中喺眼部,而且過往亦有其他研究顯示,當人冇辦法睇清楚對方樣貌,大腦就會自行「腦補」及美化對方對相,從而覺得對方更有魅力。

至於點解戴外科口罩會比布口罩效果更好,Michael Lewis就推測由於大家日常見到戴藍色外科口罩嘅醫護人員,已經將藍色外科口罩同醫生、護士等專業形象聯繫埋一齊,所以見到其他人戴外科口罩會更感到更安心,更有好感。

另外,Michael Lewis表示研究團隊同樣搵過一班男士進行類似實驗,結果亦係大致相同。目前該研究已刊登於期刊《Cognitive Research: Principles and Implications》,有興趣了解更多嘅朋友可以去睇下。

資料來源:The Guardian、《Cognitive Research: Principles and Implications
由2020年11月上市起,「買唔到PS5」就已經唔係新聞而係常態,而Sony方面對於缺貨嘅解釋一直都係「供應鍊問題」。但近日Sony Interactive Entertainment 總裁Jim Ryan今日就表示,供應鍊問題有所緩解,預計今年PS5產 ...
hobby
【PS5】Sony指供應鍊問題有改善 將大幅增產
26 May 2022
昨日庭上除咗有JD本人重回證人席外,另一重點就係美國八卦新聞網站《TMZ》前員工Morgan Tremaine上庭作證。2016年5月27日,AH帶住「傷勢」去法院申請對JD嘅家暴禁制令時,係《TMZ》於庭外拍到其面部帶傷嘅照片,率先 ...
hobby
【JD v AH】TMZ前員工指有人放料 相片專家指AH傷勢照曾被修圖
26 May 2022