{ SKIP }
文:MenClub 摯樂  圖:互聯網
POSTED ON 21 Jan 2022
【舊本社】任天堂發蹟地京都舊總部翻新變成高級旅店洋館風格一泊二食

活化建築就係將老舊建築重生以歷史故事包裝再附加新價值,任天堂京都舊總部剛剛就被改建成高級酒店正式命名「丸福樓」。預計2022年4月開始經營,即日起接受預訂。作為百年老店任天堂就係由呢個地點起始於1889 年成立最初係專賣日式傳統紙牌遊戲花札、歌牌、撲克牌公司,自1947年改名成立「丸福株式會社」確立一代遊戲皇國立足點。2020年呢個舊總部正式搵著名空間改造公司 Plan・Do・See改造,利用原來舊建築再加著名建築師安藤忠雄規劃新棟空間,展示簡約又傳統日式時尚往宿。把一提你,去任天堂舊總部入住係超高級一泊二食體驗,價錢都係超高級,住返晚深夜行出房轉幾圈參觀仲有少少Resident Evil亂入感!



作為百年老店任天堂早於1889 年成立第一總店位於京都市下京區鄰近鴨川,改建前雖然已荒廢但依舊係不少遊戲迷的朝聖景點。新酒店以「丸福樓」命名因為任天堂自1947年起就由第二任社長山内積良社建立公司名正是「丸福株式會社」。當年賣紙版遊戲,唔知今時今日改建酒店係仲會唔會係店內賣傳統日式紙牌遊戲?新「丸福僂」旅店總規劃 18 間客房、7 間套房,每一間都有不同設計但風格一致都係傳統日式時尚洋風,採全包式收費(All Inclusive),涵蓋一泊二食、房間內迷你吧、酒吧休憩空間等全包價。餐飲方面都好講究邀請料理家細川亞衣坐鎮,根據季節規劃相應食材的無國界料理。


旅店要到4月先正式開業,不過價錢都非一般,最便宜房一晚要港幣6千幾銀,最貴個間房15000幾港幣一晚!當然價錢係早、午、晚餐等飲食體驗全包價!如果你想住一個有「故事」有歷史的高級體驗,任天堂的「丸福樓」可以畀到你!快快去訂定房準備今年內有機會出關登陸日本,建議你訂住年尾先!做人就係要有希望....畀個酒店連結你!


https://marufukuro.com/

■丸福樓(まるふくろう)

開業日:2022年4月(予定)

所在地:京都市下京区正面通加茂川西入鍵屋町342番地

客室数:18室(33〜79㎡)

料金:10万円〜/1泊(朝食・夕食・お飲物・軽食含む)

※表記料金は1室2名利用時の1室あたりの料金。消費税・サービス料・宿泊税込。

問い合わせ:050-1741-3880 (受付時間 10:00〜17:00)




由芥見下下原作漫畫改編、MAPPA製作嘅人氣動畫《咒術迴戰》終於公開第三季「死滅迴遊 前篇」預告,並確定將於2026年1月正式播出。唔知MAPPA會點樣改編呢個飽受爭議嘅篇章呢? iframe width="560" height="315" sr ...
hobby
【動畫】《咒術迴戰》第三季「死滅迴游 前篇」預告公開!2026年1月正式開播
01 Sep 2025
早前我哋曾為大家報導,Ridley Scott認為自己已經拍得夠多《Alien》系列,所以希望將系列交畀其他導演發展。不過近日佢接受英國《Guardian》訪問時,口風就稍為變軟,至少仍有執導《Alien》前傳第三部嘅可能性。另一 ...
hobby
【影視】Ridley Scott拒2000萬片酬拍《未來戰士 3》 放軟口風可能拍第三部《異形》前傳
01 Sep 2025