有錢就任性想買咩野？不如試下買個美軍基地，最近美國加洲就有人係Facebook上架出售一個美國空軍基地，價錢只係450萬美元，吸引左不少人議論紛紛。呢個出售蓋茲堡空軍基地（Gettysburg Air Force Stataion）1956年建成到1965年停運被廢置占地近 17 萬平方公尺，作為美軍空軍基地當然有飛機跑道、雷達站，以及有 50 個房間同15間浴室兵營。入手之後執一執再放滿1比1吹氣戰鬥機同1比1吹氣坦克，搞返個野戰訓練營幾咁高興，有買要趁手！

今次出售廢棄前美軍空軍基地賣家係一位退休商人名為 Lev Goukasson，佢擁有呢座占地近 17 萬平方公尺蓋茲堡空軍基地（Gettysburg Air Force Stataion）！係當年貨真價實美軍基地，不過已經廢置多年。翻查歷史蓋茲堡空軍基地（Gettysburg Air Force Stataion）於 1956 年由美國空軍建成，當時正值冷戰初期，美國政府係全國各地大量建造雷達站同空軍基地，建構嚴密防空同反彈道監控網路，基地主要由空軍攔截機駐紮，負責偵測並攔截任何接近美國空域的敵機。不過後來隨著雷達同反飛彈技術發展，偵測距離越來越長，因此美軍逐漸將長程預警雷達移到海外或國家沿岸，故此好多位於內陸空軍基地就逐漸廢棄，蓋茲堡基地早於 1965年就已經停止運作，不過目前仲有美國聯邦航空總署（FAA）一座雷達偵測站仍然運作，因此賣家同時說明假若買左呢個基地，就會同 FAA 雷達站人員做鄰居。所以好有理由相信最希望能夠賣出呢個地的除左賣家就係FAA 雷達站工作人員，終於過左幾十年，有人陪佢係山旮旯返工！

Goukasson 係市集上傳左好多基地內的照片，大部分都係長年無人使用的廢棄狀態，而房間同走廊照片上，註加左「不附家具」的說明。其實自從冷戰結束後，美國本土大量的廢棄軍事設施，近年好多都被潮改裝成各種不動產物件，例如廢棄的彈道飛彈發射井，就有民間企業從政府手中買左改造成各種「末日豪宅」，吸引有錢人係世界爆發大戰時，或者電影式巨大天災來臨時，可馬上住入感覺銅牆鐵壁的基地內。所以大家有錢真係可以買左個空軍基機改建成自己最好的樂園！