呢個故事話畀大家知命裡有時終須有的道理，話說美國密歇根州奧克蘭縣有個女人有日忽然查看Email時係垃圾郵件箱見到一個中獎通知郵件話自己中左獎！初頭以為又遇到網絡詐騙，後來幸運女子再上當地「樂透」官網對獎，一睇果然中獎300萬美金可以提早退休！此外故事重點係得閒要睇睇望下個垃圾電郵箱，分分鐘走左寶都唔知。不過如果大家今年收到郵件話你中左新春金多寶，千祈唔好信，你個金多寶已經因為疫情被「清零」左啦！

今次故事主角係居住於密歇根州奧克蘭縣55歲美國女子Laura Spears，佢新年前12月31日上網買左當地密西根州「樂透」彩票，一飛只需要2美金成本。事主係幾日後偶爾望到自己郵件係垃圾郵件箱中睇到有封信通知佢中左獎！Laura半信半疑上官網一對 5 個中獎號碼分別係02、05、30、46、61，正正同佢所買號碼一樣，而且係當地超級百萬加倍玩法下，其獎金由 100 萬美元（約 777 萬港元）變成中獎300 萬美元（3個777 萬港元）。真係成功中大獎！

Laura中獎後表示會提早退休及同家人分享彩金，此外佢以後會多加查看電子郵件中的垃圾電郵箱。原來垃圾電郵有時都分分鐘藏有瑰寶！係萬中無一的機會，不過命裏無時莫強求！