相信有睇《IT狗》嘅朋友，應該對Hacker、DDoS有更多認識，而近日美國就有位IT人憑住個人力量，發動DDoS攻擊，成功將北韓全國網絡癱瘓達6小時。

化名P4x嘅資訊保安研究人員來自美國，佢指出自己去年曾被北韓駭客集團 ZINC 進行網路攻擊，意圖操控其電腦及竊取其黑客程式。幸好當時P4x成功力保不失，但由於美國當局並未有為佢討回公道，所以佢就憑個人力量去狙擊北韓及報仇。

P4x對北韓網絡進行一輪研究後發現，其網絡保安相當落後，非常多漏洞，所以佢決定走入自己書房，撰寫一系列自動化DDoS程式，並發起2次海嘯般嘅攻勢，最終成功拖垮北韓網絡6小時。P4x坦言，面對北韓網絡就只係中小型嘅滲透測試，難度不高。

據知P4x其後更於暗網設立組織 FUNK（FU North Korea），廣邀一眾IT狗加入，並分享從北韓偷取嘅機密系統資訊，以訪北訪再有任何回頭攻擊。