由Pixar及迪士尼共同製作，「巴斯光年」個人電影《光年正傳（Lightyear）》發布全新預告，除咗可以聽到美國隊長Chris Evans聲演巴斯，經典反派「索克天王」亦正式登場，預計今年6月上映。

距離正式上映仲有幾個月時間，日前官方率先公布第二條預告片，曝光多個新畫面令觀眾更深入了解劇情，而「索克天王」亦以全新造型首度登場，比起《Toy Story》嘅版本更高大同更有霸氣。另外，巴斯同機械貓嘅互動亦非常搞笑。

《光年正傳》由《海底奇兵2》聯合導演Angus MacLane執導，《Soul（靈魂奇遇記）》導演Pete Docter擔任編劇，電影旨在講述巴斯光年呢款玩具背後嘅靈感來源，一位年輕飛行員成為太空戰士嘅經歷。

《Toy Story》版本「索克天王」