依家冇街好去又禁晚市堂食，唔少朋友放假都會選擇留喺屋企打機煲劇，但無論坐喺度定瞓喺度，維持同一個姿勢太耐都會腰酸背痛。最近日本廠商Thanko就出咗款可以調較角度嘅懶人靠枕，等用家可以透過各種姿勢舒適打機，就連趴住玩都得！

據官方資料，呢款靠枕最大承重100kg、最大可調傾斜角度為35°，頸枕部份最長可以拉出11cm，唔用嗰陣亦可以摺埋，收納非常方便。除咗一般嘅「側瞓」、「挨」等姿勢，亦能夠「趴」，頸枕部份會托住額頭，等用家可以放鬆咁打機或睇書。目前已於官網販售，售價為6,980日圓（約HK$471）。