被譽為「King of Pop」嘅Michael Jackson，一生充滿傳奇色彩，對音樂、舞蹈、時尚及流行文化嘅獻貢深深影響住無數後輩，至今多首經典金曲仍被新一代歌手廣為傳唱。日前獅門影業就為全球MJ Fans帶嚟好消息，落實開拍傳記電影《Michael》，並且由《波希米亞狂想曲》監製Graham King掌舵。

據外媒《Variety》報導，呢部暫名為《Michael》嘅傳記電影將由獅門影業發行，並由曾監製過英國殿堂級樂隊Queen傳紀電影《波希米亞狂想曲（Bohemian Rhapsody）》 嘅Graham King以及佢嘅製片公司GK Films製作，而劇本則由憑《帝國驕雄（Gladiator）》、《娛樂大亨（The Aviator）》、《雨果的巴黎奇幻歷險（Hugo）》三獲奧斯卡提名嘅John Logan撰寫。電影將深入描繪呢位流行樂之王嘅複雜一生，令觀眾能夠了解佢嘅藝術事業及私人生活。

（圖片來源：Cliff Schiappa/AP Photo）

目前未知幾時開拍以及演員名單，但考慮到製作班底咁強大，確實令人充滿期待，反而比較好奇有邊位演員有信心及能力飾演Michael Jackson，若然演繹得好嘅話，絕對有望問鼎奧斯卡影帝。