【遊戲新皇者】《艾爾登法環》上市僅18日全球銷量已突破 1,200 萬收入至少7.2億美元

世界加速變壞係戰爭同疾病甚至地震陰影之下無野比打機更令人陶醉。因此當遊戲大作《艾爾登法環》上市以來，全球遊戲迷為之瘋狂。根據TGA創始人Geoff Keighley係Twitter表示《艾爾登法環》總收入至少7.2億美元，開售18日就已經連計數碼同Steam下載量累計出貨量超過1200 萬，真係好利害！當然遊戲暫時未能上神枱話係超級神作，畢竟樹大招風好多遊戲的問題都被詬病，例如角色性能與敵人設計唔夠平衡、最佳化不足，以及支線內容部分被刪減等，但以一隻新上市遊戲而言今期流行絕對係《艾爾登法環》！你玩左未？

《艾爾登法環》由《冰與火之歌》史詩奇幻小說系列名作者佐治·R·R·馬田親自設定背景，加上龐大開放式世界，讓玩家忘卻現實種種投入一個全新奇幻世界當中。不過一款遊戲要延續長期成功代代相傳甚至好似GTA系列、GT系列咁長做長有就需要時間積累同考驗開發者實力。對於資深玩家而言《艾爾登法環》充滿挑戰性，可以玩的時數極長，不過對初階或忙碌每晚只能打機一小時都市爸爸而言，所謂爆機挑戰到最後的可能性極低，遊戲「大佬」實在太難打！玩家需要花費好多精力累積實力裝備自己鍛鍊技能。呢個對遊戲玩家而言既係缺點同時亦都係優點！

不過無論你打機叻唔叻，面對《艾爾登法環》獨特遊戲世界，個種氣勢肯定令人未玩先驚歎，而遊戲內容極其龐大豐富，幾乎把整個世界都充滿細節同驚喜，除了交界地的廣闊地上世界，仲有天空之城和眾多地下城或礦坑。幾個大型主城箱庭設計可以講話前所未有壯闊，探索之餘擁有極佳關卡體驗。所以只要你有時間打機，呢個遊戲係不得不試！