梁朝偉及劉德華兩大影帝繼《無間道》後，相隔18年再度合演懸疑劇情犯罪片《金手指》，日前官方就率先曝光首張劇照，令一眾影迷大為期待！

《金手指》由英皇電影耗資3.5億港元製作，金像導演兼編劇莊文強編導，劉德華、梁朝偉、蔡卓妍(阿Sa)、任達華及方中信主演，故事取材自香港80年代轟動一時嘅真實貪污案「佳寧案」，講述一間上市公司短短幾年間從崛起到清盤，最後更被廉政公署橫跨八個國家追查長達15年。據了解，劉德華將會扮演廉政公署調查員，而梁朝偉則會飾演以「佳寧案」重要人物陳松青為原型嘅角色程一言，預計兩大影帝將會上演精彩嘅鬥智戲碼。

除咗幾位影帝級人馬，白只、胡子彤、岑珈其、何啟華(Dee哥)、徐浩昌(肥腸)...等新一代演員亦有份參演，希望今年內能夠正式上映喇！