疫症無情，但人間有情，社會唔同崗位上都有抗疫英雄，不斷默默付出為市民服務。品牌DETERMINANT較早前就捐贈超過5萬包DET30 可重用口罩比有需要人士使用，而日前佢地更聯同本地插畫師Missquai合作推出【集合吧!戰疫者聯盟】圓領T恤，以支持本地創作嘅同時亦都回饋社會。

今次合作推出嘅T恤，設計靈感黎自默默付出嘅無名英雄，好似醫護、清潔工、運動物流等，而現凡購買一件【集合吧!戰疫者聯盟】圓領T恤，即送一包特別版DET30可重用口罩及一張可供填寫嘅感謝卡，讓你有機會向呢班英雄作出感謝。

DETERMINANT一向著重功能及設計，口罩亦唔例外，DET30為可重用口罩，設計較簡約、舒適透氣，同時具拒水抗菌及阻隔飛沫等功能。

T恤嘅白色及深藍色象徵著日與夜，代表無名英雄日以繼夜努力工作，令城市得以繼續運作。明亮嘅黃色則代表黑暗後總有光明，希望為社區帶來希望和正能量。