{ SKIP }
文:MenClub 波特先生  圖:互聯網
POSTED ON 25 Mar 2022

現年39歲嘅英格蘭國腳迪科爾(Defoe),日前宣佈正式掛靴,結束自己長達22年嘅職業球員生涯。

講真,迪科爾呢個名真係細細個就聽過,今季短暫回歸英甲嘅新特蘭,本身合同係戰至季尾的,但突然佢就宣佈退役。

迪科爾17歲就已經成為職業球員,並為韋斯咸上陣,絕對係年少成名。而喺其長達22年嘅球員生涯,一共上陣763場攻入305球,當中效力熱刺係其生涯顛峰,一共為球隊上陣362場攻入143球。

國家隊方面,迪科爾2004年首次代表英格蘭上陣,直到2017年先退出國家隊,期間上陣57場攻入20球。

對於掛靴,迪科爾表示:「我決定從職業足球退役。這是個非常艱難的決定,我已經和我的家人以及最親近的人討論過了。1999年17歲嘅我上演了職業生涯首戰,而現在我覺得係合適嘅時候退出了。

我有一段難以置信嘅生涯,遇見過好多出色嘅人。足球會永遠留喺我嘅血當中,對於我嘅職業生涯,我覺得非常自豪及滿足,現在我要開寫人生嘅另一篇章。


感謝我效力過每一支球隊嘅所有球迷,我永遠唔會忘記喺生涯入面受到嘅愛意,最後我非常感謝我偉大嘅隊友、教練及同事們,你們讓我嘅職業生涯更加完整。


最後最後,我想多謝我母親,在我兩歲嘅時候,係你令我接觸到足球,讓我相信夢想可以實現,我所得到嘅一切都係因為你,多謝你及上天。」

尼馬預計即將離隊!
sports
【足球】尼馬將被巴黎趕走,唔知會碌去邊呢?
29 Jun 2022
雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中 ...
sports
【運動】「力王爭霸戰」或成奧運項目 最快2028洛杉磯奧運成真
27 Jun 2022