今部劇場版講述被譽為「來自其他次元的歌聲」嘅人氣歌姬「Uta」，將於某個島舉行首次露面演唱會，引嚟大量Fans、海軍、海賊以及路飛一行人前往觀看，後來卻發現Uta原來係「紅髮」撒古斯個女，故事從此展開。

喺預告片入面，紅髮只係同年幼時期嘅Uta講咗句「Uta，就算我哋分隔異地，你永遠都係我個女。」以及一句耐人尋味嘅說話「聽我講Ura，呢個世界根本唔存在什麼和平與平等。」暫時未知Uta究竟係養女定抑或親生女，但呢個設定確實充滿驚喜。另外，官方亦同時公開「Uta」及另一位原創角色「Gordon」造型圖，相信嚟緊會有更多消息。