2020年2月時Netflix推出改編自波蘭小說嘅電影《365 Days》，雖然劇情非常老套而且評價極低，但就因為戲中男女主角一場真到有人認為佢哋係打真軍嘅床戲，令電影成為網絡熱話，甚至曾經成為香港Netflix最多人睇嘅電影。而黎緊4月尾續集《365 Days: This Day》就會於Netflix播放，唔知佢又會有咩突破呢？

《365 Days: This Day》嘅劇情非常簡單，就係話男女主角Don (Michele Morroneo飾) 及Laura (Anna-Maria Sieklucka飾)兩人經歷種種難關 (及多場性愛) 後終於結成夫妻，但呢個時候就有個神秘男子出現爭奪Laura芳心。淨係呢兩行字你都Feel到佢嘅劇情係有幾咁狗血！

但大家都知，套戲嘅劇情根本唔係重點，床戲先係重點！從預告可見有Laura著住整套性感內衣引誘Don、又見到有個金髮女仔綁Don喺張梳化到，然後喺佢面前打開雙腿搖下搖下、仲有一幕係著住婚紗嘅Laura除下性感絲襪。Netflix就話續集會比第一集更「火辣」，唔知大家又有冇興趣見識下？

資料來源：Netflix