由拍Cult片出身、拍過Toby Maguire版本《Spider-Man》三部曲嘅Sam Raimi執導，Marvel最新電影《Doctor Strange in the multiverse of madness》 (以下簡稱《奇2》)早前上映，好唔好睇、合唔合理係一回事，但外國就有一班網民認為電影太過恐怖，認為電影應該被評為「R級」(即17歲以下人士需由成人陪同)，結果就被另一群網民瘋狂嘲諷。

圖片：《Doctor Strange in the Multiverse of Madness》

Lol, this Dr Strange Multiverse of Madness is rated PG 13????? Movie is almost as gory as Deadpool without the comedy. Some scenes had me reaching to the random kids around me like pic.twitter.com/5Jskhf9I1g

— Bane (@Sujodamystique) May 7, 2022

於《奇2》之中，拍過多部恐怖片嘅Sam Raimi的確加入唔少如「鬼魂第一身鏡頭」等招牌恐怖片元素，部份劇情及畫面呈現方面亦的確可以稱為「獵奇」，結果令部份外國家長於Twitter向Marvel投訴《奇2》太過恐怖，有人話自己同小朋友睇時，忍唔住要伸手去遮住佢哋對眼，認為電影應該要被評為「R級」而非目前嘅「PG-13」。亦有傳媒支持《奇2》應該被評為R級。

值得一提嘅係，Disney係出咗名地「闔家歡」，目前無論Disney自己定Marvel旗下，都冇任何一部「R級」電影 (睇下《Deadpool 3》會唔會打破紀錄)，而早前Disney宣佈收回當年Marvel與Netflix合作拍攝嘅劇集去Disney+時，亦有一班家長跳出黎抗議，話咁暴力嘅嘢係唔應該出現喺Disney平台之上。

“The new Doctor Strange really pushes the limits of the PG-13 rating!” pic.twitter.com/9g9RTF9OWi

— Ben (@filmbouff) May 10, 2022

Apropos of the "oooh Doctor Strange is such a hard PG-13" discourse, what's the gnarliest thing you've seen in a PG-13 movie? pic.twitter.com/ZR0BbAcxQq

— Will Mavity (@mavericksmovies) May 10, 2022

Seen a lot of people talk about Doctor Strange 2’s PG-13 rating being too light, so I would like to bring up Revenge of The Sith, which showed a man get dismembered and then burnt alive for 30 seconds on screen! First PG-13 Star Wars film, and it definitely earned it! pic.twitter.com/rJU6jO6vwE

— Star Wars Takes (@StarWarsTake) May 11, 2022

另一邊廂，大量網民就開始嘲笑嗰班話《奇2》「太恐怖」嘅人，而且不停貼出多部被標為「PG-13」，但畫面比起《奇2》更恐佈、更獵奇嘅電影，以反證《奇2》嘅評級冇問題。

當中有Disney自己出嘅《Pirates of the Caribbean 2》中，「八爪魚船長」Davy Jones (Bill Nighy飾) 將觸手隊入人哋個口嘅一幕；亦有《Star Wars》前傳第三集《Revenge of the Sith》中，Anakin Skywalker (Hayden Christensen飾) 被Obi-Wan ( Ewan McGregor飾) 斬去雙腳再全身著火嘅一幕，兩套電影最後都係PG-13。另外Daniel Craig首部James Bond電影《Casino Royale》中，佢曾 (疑似) 全裸地被Mads Mikkelsen飾演嘅Le Chiffre拷問，PG-13；Universal嘅《The Mummy (盜墓謎城)》系列，又木乃伊又蟲又盛，同樣係PG-13。甚至連溫子仁嘅《Insidious (兒凶)》，本身就係一部恐佈鬼片，都係PG-13。