{ SKIP }
文:MenClub 魏文青  
POSTED ON 13 May 2022

江湖上曾經有句話:「人生不識蒼井空,便稱英雄也枉然」可見當年「蒼井老師」對於男人們嘅衝擊力有幾大。而呢位2002年出道、2009年停拍AV、2018年結婚2019年做埋雙胞胎阿媽嘅一代性感女神,近日就為咗宣傳團體「惠比壽麝香葡萄」十週年公演而登上日本電台節目《JUNK おぎやはぎのメガネびいき》,並公開自己嘅真實年齡。

蒼井空乃係「惠比壽麝香葡萄」嘅初代成員兼第一代團長,停拍AV後曾經短暫離隊,於2010年10月又再次回歸,目前擔任團體嘅公關人員。而黎緊25日,團體就會於東京舉行十週年紀念公演「「恵比寿マスカッツ10周年記念ライブ~オールスター大感謝祭~」,所以蒼井空就同現任團員「桃乃木香奈」一齊上電台節目宣傳。

節目上蒼井空就被問到佢嘅真實年齡,而出道資料顯示為1983年11月11日出世、現年應該係38歲嘅蒼井空,就非常大方回答自己今年其實已經41歲 (1981年4月26日出生),即係當年係報細咗近3歲。出道時其實已經21歲。事實上蒼井空於去年六月就曾經於個人YouTube頻道中公開自己嘅真實年齡,當時仲係拎埋個駕駛執照出黎做證。同時駕駛執照亦顯示蒼井空個真名其實叫「純子」。

值得一提嘅係,惠比壽麝香葡萄係於2008年成立,我就唔知佢點計到十週年出黎,但黎緊嘅公演除咗有蒼井空之外,麻美ゆま、西野翔、初音みのり、吉沢明歩、かすみ果穂、希志あいの、里美ゆりあ以及瑠川リナ等一眾大家耳熟能詳嘅女優們亦會出演。對於有返咁上下年紀嘅影迷黎講,真係充滿紙巾……充滿回憶呀!

因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024