曾經何時Flash Game盛極一時，去朋友屋企大家就係圍埋部電腦一齊玩《無個性戰隊》、《小朋友落樓梯》，而即將於六月登陸Steam平台嘅《Yakiniku Simulation》，就同當年大家都玩過嘅Flash Game《燒牛肉》非常相似，大家可以高清重溫呢個童年回憶啦！

近年各種「模擬遊戲」大行其道，而《Yakiniku Simulation》理論上就屬其中一款，但唔知係咁啱得咁橋，定係遊戲創作者當年都玩過《燒牛肉》，反正《Yakiniku Simulation》由介面到玩法都同《燒牛肉》極為相似，玩家都係要將畫面左手方嘅生牛肉放落個爐到，一定時間後反面，兩邊都燒好就可以食，限時之內憑你每舊肉燒得有幾好黎計分。再配上燒肉時嘅「滋滋」聲，玩到人相當肚餓！

當年嘅Flash Game隨住前年Flash停運而大多失傳，如果想重溫當年嘅趣味，大概就係要靠其他遊戲開發者將其轉為現代版本。而《《Yakiniku Simulation》預計於今年6月發售，目前售價未公佈。

資料來源：Yakiniku Simulation