{ SKIP }
文:MenClub 魏文青  
POSTED ON 23 May 2022

大家都知Meta (Facebook及IG) 對於成人內容嘅取態非常保守,就算你發佈嘅內容完全冇露點,但只要太性感都有可能遭Meta封鎖,甚至我哋MenClub過去都曾經多次被禁言。更麻煩嘅係Meta嘅封鎖標準非常模糊,又冇任何熱線、電郵等供用家聯絡,被封鎖嘅用家只能透過佢哋提供嘅官方渠道作出申訴,回覆緩慢而且多數都唔會成功。但近日美國網紅「Kitty Lixo」就提供咗一個成功解鎖自己帳戶嘅方法——與Meta員工上床!

Kitty Lixo係一名身在美國嘅亞裔成人內容創作者,佢有經營IG、Twitter及OnlyFans專頁。而上週佢接受Podcast節目《No Jumper》訪問時,就被問到「做過最色情嘅事」,而Kitty Lixo就話自己個IG曾經被Meta封鎖過3、4次,而第一次被封時,因為佢有個男性朋友咁啱就係Meta員工,於是Kitty Lixo就同呢個男性朋友上床,希望可以拎返個IG,結果真係成功。

圖片:Kittylixo on Twitter

Kitty Lixo亦指,呢個男性朋友向佢解釋過IG內部嘅工作分配,指出封鎖帳戶呢個動作係由「誠信 (Integrity) 部門」負責,於是Kitty Lixo就透過呢個男性朋友嘅Linkedin,搵出多位其他IG員工,透過IG聯絡佢哋,再同佢哋上床,最後成功解封其IG帳戶幾次。Kitty Lixo指,IG員工向佢透露,用家每次因為IG被封而提出申訴,其申訴都會落入不同員工手中,所以只要佢成個部門中有一個人非常鍾意你、而你不停提出申訴直指個申訴落入呢位員工手中,佢就可以幫你解封。

資料來源:Kittylixo on Twitter

唔知傳咗好幾年嘅Apple MR裝置會唔會喺今次WWDC推出呢?
tech
【科技】Apple宣布6月舉行WWDC 全球開發者大會!或推出首款MR產品?
31 Mar 2023
作為Tesla、SpaceX創辦人、Twitter擁有者兼世界首富,Elon Musk當然有其過人之處,但同時佢有啲決定就令人頗為費解。好似佢昨日就於個人Twitter宣佈,由即日起所有向Twitter作出電郵查詢嘅人,都會獲得一個「大便」 ...
tech
【Twitter】用意不明 Elon Musk宣佈Twitter媒體查詢電郵會自動回覆「大便」表情符號
20 Mar 2023