{ SKIP }
文:MenClub 魏文青  
POSTED ON 06 Jun 2022

Johnny Depp控告Amber Heard誹謗案,以Johnny Depp大獲全勝作結,而其代表律師之一Camille Vasquez亦成為荷里活超新星!據報多個傳統電視台以及有線電視台都爭取聘請Camille成為主持,同時美國各大律師樓亦爭相出價,希望將呢位目前美國最大多識嘅律師收歸旗下。

在 Instagram 查看這則貼文

Fashion Tingles(@fashiontingles)分享的貼文

據《New York Post》報導,現年37歲嘅Camille憑著於JD案中以嚴謹邏輯、高招問話技巧多次踢爆AH嘅大話,加上佢本身就人靚聲甜,令其一躍成為美國法律界「獨角獸」等級嘅名人,而且佢「有色人種女性」嘅身份亦非常「政治正確」,令多個電視台都爭相邀請Camille加入成為主持,同時多間經理人公司亦希望簽下Camille。「毫無疑問,Camille非常適合於法律事務上發表意見,自然地各大電視台都急於與其商討成為主持嘅機會。」

「Brown Rudnick」律師樓官網顯示Camille目前都仲係「助理律師 (Associate)」

而除咗電視台爭緊Camille之外,《New York Post》指美國各大律師樓都爭取緊將Camille收歸旗下。Camille直至JD案期間都仲係「Brown Rudnick」律師樓嘅「助理律師 (Associate)」,換言之即係受薪打工 (JD另一律師Ben Chew就係律師樓嘅Partner,即係老闆之一)。代表著名歌手Nicki Minaj嘅律師Judd Burstein就估計,律師樓應該係打算JD案完結後就將Camille升任為Partner,「如果唔係冇理由會畀佢負責單咁大嘅案件」。而消息人士就向《New York Post》透露,律師圈中傳聞指各大律師樓目前正爭相出價,希望吸引有能力又有名氣嘅Camille加盟。而「Brown Rudnick」律師樓回應《New York Post》時就指:「我哋一直都有信心Camille能夠成功,所以佢係我哋嘅重要成員,同我哋一齊會有光明未來」。

資料來源:New York Post

隨住《鬼滅之刃》最新一季「柱訓練篇」將於30日完結,故事即將進入最終篇章「無限城篇」,正當Fans們猜測最終大戰會以電視動畫還是劇場版呈現時,官方就疑似走漏風聲,意外曝光「無限城篇」將製成三部劇場版播出。 ...
hobby
【動漫】《鬼滅之刃》官方周邊曝「無限城篇」將製成三部劇場版播出
24 Jun 2024
曾為《機動戰士高達》阿寶、《聖鬥士星矢》星矢、《名偵探柯南》安室透等著名角色配音嘅古谷徹,早前被爆出與37歲Fans發生不倫關係長達4年半,甚至強迫對方墮胎並施以暴力行為,引起軒然大波。時隔一個多月,古谷徹 ...
hobby
【日本】古谷徹宣布辭演《名偵探柯南》安室透、《海賊王》薩波
24 Jun 2024