據外媒報導，Tesla創辨人兼CEO、全球首富Elon Musk上週向Tesla內部發送電郵，指擔心經濟狀況會變差，所以停止全球招聘，同時會裁減10%員。結果消息一出，Tesla股價應聲下跌，於是Elon Musk琴日又喺Twitter出招，話「員工總數會增加」，咁即係炒唔炒人呢？

卻說上週外媒爆出Elon Musk向Tesla內部發電郵，指因為佢對全球經濟有種「超級差」嘅預感，所以要求各高層停止全球招聘，隨後再出多一封電郵，指Tesla內「多個部門都有太多員工」，未來會「裁減10%月薪員工」，更指出「真係有份整車、整電池、整太陽能嘅員工」都不在只限，換言之係針對主管級員工。值得一提係Tesla全球員工人數近10萬，炒10%亦係近萬人要執包袱。

Total headcount will increase, but salaried should be fairly flat

— Elon Musk (@elonmusk) June 4, 2022

唔知係咪因為消息一出，Tesla股價暴跌嘅關係，去到香港時間星期日凌晨，Elon Musk又於Twitter回應「Whole Mars Catalog」嘅「未來12個月Tesla員工總人數會上升」推文，指出員工人數的確會增加，「但總薪金應該大致差唔多」。結果網民就紛紛留言「你搞到我好亂」，點樣又炒10%人但員工人數又增加呢？其實又唔係冇可能。事關當日Elon Musk話炒人個電郵，最後仲有一句係「時薪員工人數會增加」，換言之炒哂班人工唔低嘅月薪主管級員工，再請班人工較低嘅時薪員工返黎，理論上的確可以做到「炒人同時總員工人數上升，總薪金不變」。唔少香港老闆都深諳此道。