近年可以話係一個「宇宙」嘅年代——因為樣樣嘢話要搞個「宇宙」出黎，facebook話搞「元宇宙」、電影又話要有「宇宙」，好啦，依家連就連任天堂都傳聞話要搞宇宙，而且唔係遊戲宇宙，係電影宇宙呀。

卻說早於2018年，任天堂就宣佈會與創作出《Despicable Me》系列嘅illumination工作室合作製作《Super Mario Bros.》嘅動畫電影，搞下搞下就搞到依家，4月時先話延期到2023年4月上映。而近日美國網民就發現，呢部《Super Mario Bros.》電影嘅製作人員名單中，除咗有合情合理嘅任天堂、製作公司Illumination、發行Universal Pictures之外，仲有「Nintendo Studios LLC」以及「M Brothers Productions LLC」兩間之前未聽過嘅公司。

There are copyright records for the Illumination Mario movie, which have the expected companies listed, but there's also new companies: "Nintendo Studios, LLC" and "M Brothers Productions, LLC". Guessing these are the studios Nintendo will be listing their movies under pic.twitter.com/IydjzrkLyH

— MichaelO2000 (@MichaelO2k) June 6, 2022

其中「M Brothers Productions LLC」有可能係任天堂為咗呢部《Super Mario Bros.》電影特意成立嘅製作公司，而「Nintendo Studio LLC」就好可能係任天堂新成立嘅電影部門，負責管哂所有任天堂電影，換言之未來任天堂好有可能會將其他角色搬上大銀幕。

目前亦已經有傳任天堂會將旗下另一知名角色「Donkey Kong」拍成電影，並繼續由會於《Super Mario Bros.》電影中為Donkey Kong配音嘅Seth Rogan繼續擔綱。