為制裁俄羅斯入侵烏克蘭，連鎖快餐店巨擘麥當勞於上月正式撤出俄羅斯市場，並將850間門店轉售當地企業家Alexander Govor。經過一輪「改造」後，其中莫斯科15間分店日前喺原址率先重開，除咗改名為「Vkusno & tochka」（意思：「美味，就是這樣」），仲換埋個新LOGO，引嚟大量食客排隊幫襯。

據外媒《Reuters》報導，「俄版麥當勞」Vkusno & tochka沿用舊有食譜同機器，連餐單都幾乎一樣，照樣有賣雙層芝士漢堡同魚柳包等等，售價甚至比原本嘅麥當勞更平，例如魚柳包就從190盧布減至169盧布，不過就冇同樣撤出俄羅斯嘅可口可樂飲。其中一位買咗麥香雞包嘅食客亦向記者表示：「只係可樂味道唔同咗，但漢堡就一樣。」

據官方介紹，類似英文字母「M」嘅新LOGO由一個紅點及兩條燈色線組成，分別係代表漢堡包同兩條著條，但唔少網民就認為同連鎖快餐店「MOS Burger」LOGO非常相似，大家又覺得似唔似呢？

資料來源：Reuters