{ SKIP }
文:MenClub 魏文青  
POSTED ON 16 Jun 2022

於早前嘅Johnny Depp控告Amber Heard誹謗案中,JD方律師曾多次指出AH於不同事件上都 (疑似) 講大話,其中最為大家熟知嘅,當然係AH曾經多次公開指,自己已經捐出從JD離婚協議中獲得嘅700萬美金,但就被JD方律師踢爆根本冇捐足,AH更於庭上指佢覺得「承諾捐款 (Pledged)」同「已經捐哂 (Donated)」係「同義詞」。

而NBC日前播出嘅AH專訪第二部份中,AH就再次提起捐款一事,更疑似承認自己當初係故意講大話。

於訪問中,主持人Savannah Guthrie主動問起捐款一事,指AH明明冇捐足錢但就話自己捐咗,認唔認為此事令陪審團對其誠信產生疑問。而AH則回答:「我作出承諾 (made a pledge) 會捐,咁承諾嘅本質就係一段時間入面…」主持人打斷AH發言:「你話你『捐咗 (Donoted)』,唔係『承諾』喎?陪審團會唔會就係咁而覺得,捉到你講大話?」AH將視線撇去旁邊道:「我唔知…我覺得審訊有好大部份,都係為咗要模糊我係個咩人、我嘅誠信、用所有方法話我講大話…」主持人再打斷:「單案本來就係咁!佢嘅本質就係誠信。」AH就回答:「如果依家諗返,我唔應該因為想大家信我而話自己捐咗…」主持人繼續質問:「你係唔應該,但只要你有講過…」AH道:「我係真係咁諗 (想捐錢)。」

換言之AH於鏡頭前承認,佢係明知自己冇捐足錢嘅情況下,於庭上話自己「捐哂」,目的係希望大家相信佢。有網民睇完條片就質疑AH係咪即係承認自己作偽證。正面啲睇,起碼佢係分得清「Pledged」同「Donated」嘅分別。另外訪問中AH指自己依然係打算捐返足嗰700萬,再加上要賠畀JD嗰1035萬美金,粗略估計AH嘅「街數」目前為1500萬美金左右。

於訪問片段尾聲,主持人問AH未來有咩打算。AH就話依家唔使同律師講電話,所以自己會做一個全職媽媽,又指總有一日佢個 (搵代母生嘅) 女會知道呢單案,而佢會同個女講,「我做嘅嘢係啱嘅,我為咗捍衛自己同真相,做咗所有應該要做嘅嘢。」而佢更指自己依然深愛JD:「我愛佢,我全心全意咁愛佢。我用盡方法去修補一段完全破碎嘅關係,但我失敗咗。我對JD冇任何難受或不滿,如果你有深愛過一個人你就應該會明白。」

資料來源:NBC
曾被提名去年「最期待遊戲」嘅《哈利波特》主題遊戲《Hogwarts Legacy》即將於下週開售,相信一眾玩家、「哈迷」都非常期待可以進入魔法世界,重拾校園生活。不過近日遊戲開發商就證實,玩家將無辦法於遊戲中體驗青 ...
hobby
【電玩】中學生不准談戀愛 《Hogwarts Legacy》沒有校園戀愛元素
02 Feb 2023
改編自經典童話《小熊維尼》嘅血腥真人版電影《Winnie the Pooh: Blood and Honey》自去年9月公開首部預告片後引起各界熱烈討論,更榮登2023年IMDb網友最期待電影第二位。雖然套戲2月15日先喺美國上映,未知票房反應 ...
hobby
【未上映就添食】血腥真人版《小熊維尼》宣佈開拍續集!官方承諾:更多血、更多蜂蜜
02 Feb 2023